‘Nâu jĭ xăh tơring groi kông hơtăih hơtŏ, hơnih krê hơmơt, tơdrong hơrih sa kon pơlei oei lơ pơmat tat, ƀơ̆t mă hloh 600 ‘nu hŏk tro oei athei hŏk tơ̆ dôm hnam trưng pơm pơgia, kơ ƀăh kơ ƀôch tơmam drăm.

Thủ tướng pơma hơdăh, tơdrong man hnam trưng ‘nao đei tơdrong ‘lơ̆ng gĭt kăl, jĭ pơtih ăn tơdrong pôm nơ̆r ƀơ̆r đon, tơƀôh tơdrong bơngơ̆t truh đơ̆ng Đảng, teh đak hăm kon pơlei tơring sơlam - “tơring gĭt kăl tơm” kơjăp kơ teh đak. Thủ tướng athei tơring jang hơdai chưk pơ ‘ngoăih teh, hơvơn jên đơ̆ng tơpôl vă vei sơđơ̆ng hrĕnh păng ‘lơ̆ng ăn hnam trưng, hơdrin man đang hơdrol kơ ‘năr 30/8/2026. ‘Măng âu, Thủ tướng hơpăh ăn hnam trưng rup “Ƀok Hồ tơƀăk che văn ƀrê ăn hŏk tro”, tơƀôh đon lui păng hơmĕng lơ̆m thây kô tơring sơlam.