VOV4.Bahnar – Kơsơ̆ 'năr brei năr 1/6, Thủ tướng Phạm Minh Chính hlôi xơng ƀok  Khamphan Phommaphat, jang lơ̆m Anih tơm Chĭnh trĭ, Kơdră dơnơm jang hơlen kơ teh đak Lào năm tơmang, bơ̆ jang păng pơma đam jang hadoi hăm Anih jang Hơlen kơ teh đak Việt Nam.

Thủ tướng Phạm Minh Chính ră hơdăh tơdrong tơbôl Việt Nam - Lào jing tơdrong tơbôl kăp gĭt, hơnơ̆ng hơtŏk tơ iung; xơkơ̆t lơ̆m rim tơdrong jang kiơ, Việt Nam hơnơ̆ng lăng tơgĭt tơdrong jang hadoi hăm Lào, hơnơ̆ng kơ 'nôh vă hơtŏk pran tơdrong tơbôl 'nhŏng oh gel, jang hadoi kơjăp, đei jơnei lơ̆m dôm tơdrong jang. Thủ tướng hmach bơnê kơ tơdrong pơma đam đơ̆ng 2 khul kơpal tang măt ăn Anih jang Hơlen teh đak Lào păng Anih jang Hơlen teh đak Việt Nam; xơkơ̆t Khul kơpal teh đak Việt Nam hơlêm pơm trong hiôk vă 2 păh hơtŏk jang hadoi găh hơlen, xek tơlang tơkêng tơhlâu, tang găn păng tơjră xa pơjĭp; kơchăng pơm trong hiôk vă Anih jang Hơlen teh đak Việt Nam pơih lơ 'măng khuă hŏk tơdrong juăt jang ăn kang ƀô̆ kiơ̆ pơkăl đơ̆ng Anih jang Hơlen teh đak Lào.

Lan chih păng pơre nơ̆r