Tơ̆ jơ xơng, Thủ tướng Phạm Minh Chính bơnê kơ dôm tơdrong jang đei iŏk jơnei kăp gĭt mă Nigeria hlôi jang đei lơ̆m tơdrong vei xơđơ̆ng chĭn trĭ, hơtŏk mŭk drăm – tơpôl, tơjră hăm pơrang jĭ Covid-19, pơtoi anih dơ̆ng jing minh lơ̆m dôm teh đak jang mŭk drăm pran hloh tơring châu Phi.

Pơma dơnuh găh dôm trong pơkăp jang hơdăh vă hơtŏk jang hadoi 2 păh, Thủ tướng teh đak bơ̆n pơkăl 2 păh athei jang hadoi kơjăp vă hơtŏk tơdrong jang tơbôl lơ tơdrong kơ 2 teh đak gơh tơnăp hloh, tơpă đei iŏk yua kiơ̆ đơ̆ng dôm trong pơkăp jang nhen hơtŏk akŏm pơma dơnuh khul kơpal vă hơtŏk hlôh vao, lui ngeh dih băl păng pơm trong hiôk lơ̆m jang hadoi kiơ̆ tơdrong pran kơ rim teh đak vă hơmet ăn dih băl, mă kăl noh jang mŭk drăm. Pơma đam găh dôm tơdrong đei ƀôh lơ̆m kơpal teh păng lơ̆m tơring, 2 păh ră hơdăh tơdrong kăp gĭt kơ tơdrong xek tơlang tơgar hăm dôm trong jang rơngei  kiơ̆ pơkăp đơ̆ng khôi luơ̆t apŭng plenh teh.