Thủ tướng Phạm Minh Chính hlôi pơma dơnuh hăm Đại tướng Vilay Lakhamphong, jang lơ̆m Anih tơm Chĭnh trĭ, Phŏ Thủ tướng, Ƀô̆ trưởng Anih tơm Kŏng ang Lào hlôi chĕp kơ̆l Khul kơpal Anih tơm Kŏng ang Lào năm tơmang, bơ̆ jang tơ̆ Việt Nam, vang năm Hop akŏm xơkơ̆t Tơdrong vă jang hadoi xơnăm 2022 păng Hop akŏm 2 păh jăl Ƀô̆ trưởng kơ Anih tơm Kŏng ang 2 teh đak Việt Nam-Lào găh jang hadoi tang găn păng tơjră ma twĭ. Tơ̆ jơ xơng, Thủ tướng ră hơdăh, 2 teh đak kăl hơtŏk tơguăt tơguăl, jang hadoi kơjăp, đei jơnei hloh, tơgŭm rim teh đak pơjing tơdrong jang mŭk drăm kơdih, roi năr roi kơjung. 

Thủ tướng Phạm Minh Chính xơng Đại tướng Vilay Lakhamphong, Phŏ Thủ tướng, Ƀô̆ trưởng Anih tơm Kŏng ang Lào. (Rup: TTXVN)

Găh vei xơđơ̆ng tơpôl jing minh minh tơdrong kăp gĭt lơ̆mt ơbôl kơ 2 teh đak, Thủ tướng pơkăl 2 păh pơtoi hơtŏk kơjăp hloh dôm tơdrong đei jơnei 'lơ̆ng rŏ lơ̆m khei năr âu ki vă vei xơđơ̆ng tơpôl teh đak, vei xơđơ̆ng tơpôl kơ 2 teh đak, lơ̆m noh đei vei xơđơ̆ng mạng, xơđơ̆ng tơmam drăm xa, xơđơ̆ng unh hơyuh... lơ̆m rim tơdrong, mă hăt noh lơ̆m khei năr đei lơ tơdrong tơnap tap dang ei.