VOV4.Bahnar - Pơ gê 22/9, tơ̆ Anih jang kơ Khul kơ dră tĕh đak, Thủ tướng Phạm Minh Chính pơ gơ̆r hop akŏm Khul kơ dră tĕh đak găh tơ drong chih pơ jing luơ̆t khei 9 sơ năm 2022.

Rup Thủ tướng Phạm Minh Chính pơ gơ̆r hop akŏm

Pơ ma lơ̆m hop akŏm, Thủ tướng Phạm Minh Chính pơ ma hơ dăh, tơ drong jang mŭk drăm lơ̆m apŭng plenh tĕh pơ ma atŭm oei tơ ƀâp lơ mơ mat tat, jang tŏk roi vă jur, kơ jă tơ mam nhen roi vă tŏk. Tơ jê̆ âu, dôm anih mong jên trung ương tĕh đak Mi, EU, Anh, Nhật Bản vă hơ tŏk ƀiơ̆ jên kon, hơ tŏk kơ jă jên ‘nŏh gô pơm tơ jur kơ jă jên lơ tĕh đak nai, ƀơm ưh ‘lơ̆ng truh tơ̆ lơ tĕh đak, lơ̆m nŏh đei Việt Nam. Khul kơ dră tĕh đak athei tơ lĕch 1,2 trong jang vă tơ jră hăm dôm tơ drong mơ mat tat kơ plăh dang ei.

Tơ̆ hop akŏm, Thủ tướng athei dôm bơ ngai jang lơ̆m Khul kơ dră tĕh đak tơ gop nơ̆r găh dôm kơ luơ̆t, mă loi jĭ tơ drong Tơ proh trong jang, ‘nâu jĭ tơ drong tih păng tôch mơ mat, yoa thoi nŏh Thủ tướng athei ‘măn lơ jơ năr, kơ sư̆k, đon rơ gei vă tơ gop nơ̆r ăn dôm tơ drong gĭt kăl lơ̆m dôm kơ luơ̆t.

Dơ̆ng: Tơ blơ̆