VOV4.Bahnar - Pơ ma pơ tôch hop akŏm trư̆k tuyê̆n lơ̆m tĕh đak pơ tôch 20 sơ năm jang tŏk mŭk drăm atŭm păng pơ tôch 10 sơ năm jang kiơ̆ Luơ̆t hơp tak xăh (HTX) sơ năm 2012, Thủ tướng Pham Minh Chính athei akŏm jơ hngâm tơ lĕch jang 8 grŭp tơ drong jang, trong jang. Kiơ̆ kơ ‘nŏh hơ nơ̆ng tơ chĕng hơ len chih pơ jing trong tơ gŭm mă lăp hăm tơ drong ‘nao păng tơ drong đei tơ pă tơ̆ yăn âu tơ̆ Việt Nam. Hơ nơ̆ng hơ met pơ ‘lơ̆ng dôm tơ drong oei tơ hlăk găh trong pơ gơ̆r, tơ drong tơ gŭm kiơ̆ đơ̆ng năng kăl tơ drong jang mŭk drăm hiôk hian.

Jơ bơ̆ jang lơ̆m Hop akŏm

Găh tơ drong vă hơ met ming luơ̆t HTX Thủ tướng Phạm Minh Chính pơ ma hơ dăh, athei hŭt lê̆ dôm tơ drong oei găn trong; pơ jing tơ drong ‘lơ̆ng găh tơ drong pơ gơ̆r, tơ drong tơ gŭm; tưk tơ iung mă brĕ vă anih jang âu jang tŏk pran tơ găl lơ̆m tơ drong pơ jing anih jang mŭk drăm hiôk hian kiơ̆ trong XHCN. Găh đon tơ chĕng Thủ tướng Phạm Minh Chính athei mưh hơ met ming Luơ̆t HTX kăl chih hơ met mă tôm đon tơ chĕng đơ̆ng Đảng vă hơ nơ̆ng tơ plih ‘nao, jang tŏk mŭk drăm atŭm, HTX tơ̆ tĕh đak bơ̆n tơ̆ hơ năp kơnh.

Dơ̆ng: Tơ blơ̆