VOV4.Bahnar - Pơ gê ‘năr 19/4, tơ̆ Anih bơ̆ jang kơ Khŭl kơ dră teh đak, Thủ tướng teh đak Phạm Minh Chính pơ gơ̆r ‘măng hop akŏm Khŭl kơ dră teh đak găh bơ̆ jang kiơ̆ trong jang tơ gŭm, khôi luơ̆t găh tơ drong jang proh hơ met hơ drol jô̆ đơ̆ng Luơ̆t proh hơ met hơ drol đei tơ mơ̆t yua. Tơ̆ ‘măng hop akŏm, Thủ tướng Phạm Minh Chính tơ băt, tơ̆ ‘măng hop akŏm âu vă hơ len lăng pơ tôch tơ drong jang proh hơ met hơ drol, ƀai hŏk, tơ drong tơm pơm ăn; dôm tơ drong tơ hlăk tơ hlĭn, mơ mat tat; hơ năp jang, trong jang hơ tŏk ‘lơ̆ng tơ drong jang pơm proh hơ met hơ drol tơ̆ hơ năp kơnh.

Thủ tướng Phạm Minh Chính athei dôm bơ ngai tang măt vang hôp akŏm pơ ma dơ nuh dôm tơ drong nhen: kĕ jang đang hơ năp jang proh hơ met hơ drol sơ năm 2022; băt hơ dăh tơ drong đơ̆ng Proh hơ met akŏm kơ teh đak; tơ drong pơ vei đơ̆ng dôm tơ drong proh hơ met; tơ drong akŏm proh hơ met; rơ̆ih iŏk pơ tho tơ ƀôh pơm proh hơ met hơ drol... Thủ tướng pơ ma hơ dăh, tơ drong jang proh hơ met hơ drol đei dôm tơ drong mơ mat, ‘nao, ưh kơ gan hơ iă kơ na đei dôm nơ̆r tơ gop pha ra băl. Yua thoi noh athei tơ chĕng hơ len jrŭ, đei trong jang mă lăp pơ đĭ hloi ƀơ̆t măt păng đunh đai vă tơ drong jang proh hơ met hơ drol đei bơ̆ jang kiơ̆ jơ nei.

Thuem: Tơ blơ̆