VOV4.Bahnar - ‘Năr 3/3, tơ̆ anih jang kơ Khŭl kơ dră teh đak, Thủ tướng teh đak Phạm Minh Chính pơ gơ̆r ‘măng hop akŏm Khŭl kơ dră teh đak khei 02 sơ năm 2022. Kiơ̆ tơ roi tơ băt tơ̆ hop akŏm, tơ drong mŭk drăm - tơ pôl khei 2 păng 2 khei blŭng sơ năm hơ nơ̆ng đei tơ plih ‘lơ̆ng, tơ iung ming lơ̆m đĭ đăng rim tơ drong jang pơ đĭ hloih găh kơ măy kơ mŏk, choh jang sa, pơ vih pơ văn. Tơ iung ming anih chă bơ ngai jang, vei kơ jăp sơ đơ̆ng chĭnh trĭ, sơ đơ̆ng tơ pôl. Găh hơ năp jang tơ̆ hơ năp kơnh, Thủ tướng tơ ƀôh hơ dăh vă pơm tơ drong ‘lơ̆ng lơ̆m jang kiơ̆ rim tơ drong hơ găt kơ pơ đĭ sơ năm.

‘Măng hop akŏm hơ nơ̆ng Khŭl kơ dră teh đak khei 2/2022

Thủ tướng athei rim anih tơm, anih jang, tơ ring jang kiơ̆ hơ năp jang, hơ drin bơ̆ jang kiơ̆ păng jang đang ‘lơ̆ng hloh dôm tơ drong hơ găt hơ tŏk tơ iung mŭk drăm tơ pôl sơ năm 2022 hlôi đei tơ lĕch ăn lơ̆m noh akŏm jang đang dôm tơ drong jang pơ truh ăn Anih tơm Chĭnh trĭ, Ban Bí thư, vei sơ đơ̆ng ‘lơ̆ng. Hơ nơ̆ng tơ lĕch jang đei iŏk yua dôm hơ năp jang, trong jang đơ̆ng Tơ drong jang tơ iung ming păng hơ tŏk tơ iung mŭk drăm tơ pôl, mă loi ‘noh jĭ hơ năp jang athei bơ̆ jang kiơ̆ jăl khei mă I/2022.

Thuem: Tơ blơ̆