VOV4.Bahnar - Tơ̆ hơ năp tơ drong jĭ oei tơ pŏh tôch hơ mơt, ưh gơ̆h băt hơ drol vă vei kơ jăp păng tưk tơ iung dôm tơ drong jang đei đơ̆ng tang găn jĭ, hơ nơ̆ng pơih ‘măng, tưk tơ iung tơ drong jang tŏk dơ̆ng mŭk drăm, tơ pôl, Thủ tướng Phạm Minh Chính đei nơ̆r athei:

“Dôm anih jang lơ̆m anih jang chinh trĭ, dôm anih tơm, anih jang kơ pal, kon pơ lei păng anih tĕch mơ dro vei kơ jăp đon adrin, ưh gơ̆h lăng pơ hơi, hiong đon kơ chăng păng hli tăr văr lơ̆m tơ drong tang găn jĭ COVID-19; hơ nơ̆ng bơ̆ jang mă pran dôm trong jang đơ̆ng Đảng, tĕh đak tơ lĕch; bơ̆ jang mă ‘lơ̆ng, đei yoa tơ drong ƀet vắc xin, jang kiơ̆ trong hơ met jĭ, atŭm hăm ‘nŏh hơ tŏk đon jang kiơ̆ mă ‘lơ̆ng, đei yoa dôm tơ drong hơ găt tang găn jĭ đơ̆ng kon pơ lei... "

Kiơ̆ kơ ‘nŏh, dôm tơ ring hơ tŏk hlŏh dơ̆ng, jang mă pran hlŏh dơ̆ng tơ drong pơ gơ̆r ƀet vắc xin jrŭm 3 ăn bơ ngai đơ̆ng 18 sơ năm tŏk tơ̆ kơ pal, jang kĕh lơ̆m jăl khei mă I sơ năm 2022; ƀet jrŭm 2 ăn hơ iŏh đơ̆ng 12 truh hơ la kơ 18 sơ năm, jang kĕh lơ̆m khei 2 sơ năm 2022; hơ met tôm tơ drong đơ̆ng tơ mam, kơ măy kơ mŏk, anih ƀet truh bơ ngai jang vă pơ gơ̆r ƀet bơ̆ng ăn hơ iŏh đơ̆ng 5 truh hơ la kơ 12 sơ năm đơ̆ng rŏng kơ đei pơ truh tôm vắc xin.

Dơ̆ng: Tơ blơ̆