Kiơ̆ tơroi tơbăt, truh dang ei, Anih tơm Nội vụ hlôi chih đang hla ar chih tơroi tơbăt pơtôch Tơdrong tơchơ̆t 18-NQ/TW; Tơdrong jang tơmơ̆t hơdai, hơmet ming tơdrong jang, khŭl bơ̆jang păng dôm hla ar ƀơm truh, kŭm hăm tơdrong jang pơtôch tơdrong bơ̆jang Khŭl pơgơ̆r jang đảng, pơjing Đảng bộ Khŭl kơdră teh đak, Đảng bộ anih tơm, anih jang hơtŏ anih tơm, anih jang găh Khŭl kơdră teh đak. Dôm khŭl jang đơ̆ng rŏng proh hơmet, tơmơ̆t hơdai tơ jur đơ̆ng 35 truh 40%; dôm khŭl jang uơ oei dơ̆ng proh hơmet păih lăm ‘noh tơ jur tôch ai 15%. Hŭt dôm anih jang dôm khŭl jang dang ăi; yak blŭng tơchĕng hơdrol tơ jur 500 anih jang găh anih tơm, dôm anih jang.

Pơma tơ̆ ‘măng hop akŏm, Thủ tướng Phạm Minh Chính pơma hơdăh, tơdrong proh hơmet, tơmơ̆t hơdai păng khŭl bơ̆jang athei pơm liơ tŏ sĕt bơngai, bơ̆jang đei yua, jơnei tơklep hăm hơmet ming dơ̆ng păng hơtŏk ‘lơ̆ng khŭl kang ƀô̆, bơngai jang kơ teh đak. Lơ̆m kơplăh tơ jur tŏ sĕt bơngai jang athei pơjing trong jang tơgŭm ‘lơ̆ng hloh, đei tơdrong iŏk jang dơ̆ng dôm tơdrong jang tơgŭm đơ̆ng hơdrol truh dang ei. Mă loi ‘noh hăm kơsô̆ bơngai jang pơm hla ar pơkăp, Thủ tướng athei đei tơdrong jang tơgŭm mă lăp, ưh kơ lê̆ bơngai jang athei pơmat.