Thủ tướng pơma hơdăh kăl kơ lăng tơdrong pơtôch IUU ‘noh jĭ trong jang nhen hăm tơmam ya, tơmam sa ya, pơgang ya, tơlĕch tơdrong hơgăt truh ‘năr 15/11/2025 athei pơdơh tơdrong ‘nâu. Dôm anih tơm, anih jang, tơring ưh kơ pơm kiơ̆ ‘lơ̆ng gô đei sek phak kiơ̆ tơdrong Tơchơ̆t 32 đơ̆ng Ban Bí thư.

Thủ tướng pơjao kơ Anih tơm vei lăng Kŏng an pơgơ̆r jang hơdai hăm Anih tơm vei lăng Khŭl lĭnh, Anih tơm vei lăng găh Choh jang sa păng Cham char kŭm hăm tơring dăr hơlen pơđĭ khŭl duk hơdrol kơ ‘năr 5/10, hơdai hăm athei tơkêng dôm tơdrong yoch đei ƀơm truh. Ƀok kŭm athei lơ̆m 5 năr, Anih tơm vei lăng găh Choh jang sa păng Cham char păng Anih tơm Tư pháp chih pơkeh hơmet ming Tơdrong tơchơ̆t 38, hơtŏk jên phak pơm glăi. Khŭl kơdră tơring kăl tơlĕch jang tơplih đơ̆ng rôp yâu hơtăih tơ̆ đak dơsĭ jing rong, pơm tơlĕch ka hơdang kơjăp.