Thủ tướng: Pơjing pơlei tơm Hải Phòng (‘nao) hăm dôm anih jang tơm mŭk drăm lơ tơdrong jang, ‘nao, pơjei jơ̆p plei teh ới các trụ cột
Thứ ba, 14:39, 01/07/2025
VOV/Thuem tơblơ̆
VOV/Thuem tơblơ̆
VOV4.Bahnar - Pơgê (30/6) tơ̆ pơlei tơm Hải Phòng, Thủ tướng Phạm Minh Chính vang truh pơm Lêh roi tơbăt hơdăh tơdrong Tơchơ̆t, tơdrong Hơgăt đơ̆ng Trung ương păng tơring găh tơmơ̆t hơdai anih bơ̆jang tơ̆ dêh char, tơ̆ xăh, pơtôch tơdrong jang anih bơ̆jang tơ̆ apŭng, pơjing khŭl jang đảng, athei đơ̆ng kơdră đảng, Jơnŭm pơgơ̆r kon pơlei, Anih vei lăng kon pơlei, Anih jang Mặt trận Tổ quốc Việt Nam pơlei tơm, xăh, phường, tơring kơdrơ̆m gĭt kăl.
Pơlei tơm Hải Phòng (‘nao) đei pơjing kiơ̆ lơ̆m tơdrong jang proh hơmet pơđĭ hơgăt bri brăh, kơsô̆ kon pơlei kơ pơlei tơm Hải Phòng păng dêh char Hải Dương. Thủ tướng akhan, tơdrong jang gĭt kăl âu pơih blŭng ăn 1 jăl trong hơtŏk tơiung ‘nao ƀĕnh pơmat tat păng long nol.
Vă hơnhăk pơlei tơm Hải Phòng ‘nao đơ̆ng rŏng kơ tơmơ̆t hơdai jing 1 anih kơdrơ̆m mŭk drăm, tĕch mơdro, pơvih pơvăn chĭnh trĭ, joh ayŏ, khoa hŏk ki thuơ̆t gĭt kăl, vei sơđơ̆ng kơjăp sơlam teh đak, athei khŏm jang mă ‘lơ̆ng, hơdrin mă dêh, bơ̆jang kơtang, tơdrong pôm nơ̆r ƀơ̆r đon ‘noh mă jang đei tơdrong hơgăt ‘nâu.
Viết bình luận