Tơ̆ hop akŏm, Khul kơdră teh đak lăng hơlen trong vă pơjing Khôi luơ̆t hơmet ming, tơmơ̆t dơ̆ng mĭnh ƀar apăng kơ Khôi luơ̆t Kong ang kon pơlei păng athei tơ iung pơjing rim Khôi luơ̆t: Khôi luơ̆t hơmet ming, tơmơ̆t dơ̆ng Khôi luơ̆t Rim hơnĭh jang ăn tŏk iŏk jên; Khôi luơ̆t kăn kươk kon pơlei (hơmet ming); Khôi luơ̆t jang Kmăi kmŏk vei lăng Teh đak, sơđơ̆ng păng jang pơm tơlĕch tơmam drăm ăn Khul Ƀô̆ đô̆i; Khôi luơ̆t jang Kmăi kmŏk pơm tơlĕch kmăi kmŏk kơsô̆; Khôi luơ̆t Pơprŏ tơring kơdrơ̆m păng tơring chŏh jang sa.

Thủ tướng Phạm Minh Chính tơbăt, tơ iung pơjing khôi luơ̆t, pơm pơkeh trong jang ‘nŏh mĭnh lơ̆m 1 hơyak kăl, jing tơdrong tơm tơlĕch jang hơdrol đei Khŭl kơdră tĕh đak akŏm iung jang kiơ̆ kơtang. Sơnăm 2022, Khŭl kơdră chĕp pơgơ̆r Teh đak pơgơ̆r 9 ‘măng hop akŏm găh tơ iung pơjing khôi luơ̆t, trong bơ̆ jang, ăn tơgop nơ̆r, pơdrơ̆ng kiơ̆ hăm 40 tơdrong vă jang, athei tơ iung pơjing khôi luơ̆t, găh ‘măng pơgơ̆r hop akŏm, tơdrong vă jang, athei pơjing khôi luơ̆t lơ hlŏh lơ̆m dôm sơnăm au ki.