Pơma tơ̆ ‘măng hop akŏm, Thủ tướng Phạm Minh Chính athei akŏm tơlĕch jang ‘măng pơlong pơjei băl vă jang ‘lơ̆ng hơnăp jang tơlĕch ăn. Hăm trong jang kăl “Hơtŏk loi dơ̆ng, hơdrin, jơnei, ưh kơ hơtăih hăm kon pơlei, pơnam pơcheh, đei yua ‘lơ̆ng”, Thủ tướng akhan kơplăh vei lăng athei nuih, gơh hơgei, chơ̆n jơhngơ̆m, hơcheh hơgei, hơbĕch hơbal, tơtom, đei yua. Lơ̆m dôm hơnăp jang tơm, Thủ tướng athei hơmet ăn mă hơlen, ‘lơ̆ng dôm tơdrong pơyua ăn Hop akŏm Trung ương 13 păng ‘Măng hop akŏm mă 10, Quốc hội jăl XV.

Tơgŭm hơdrol sơđơ̆ng mŭk drăm tih, vei lăng hơtŏk kơjă lơ, vei sơđơ̆ng dôm tơdrong hơtŏ băl đơ̆ng mŭk drăm păng pơtrŭt jang tŏk. Thủ tướng athei răp hơlen tơplih tơdrong, vei sơđơ̆ng anih tĕch mơdro, kơjă, mă loi ‘noh jĭ dôm tơmam, pơvih pơvăn yua đơ̆ng teh đak vei lăng. Hơtŏk răt yua lơ̆m teh đak, hơtŏk tơiung pran tĕch mơdro lơ̆m teh đak. Tơlĕch jang kơtang, tơtom, đei yua dôm Tơdrong tơchơ̆t đơ̆ng Anih tơm Chĭnh trĭ. Tơlĕch jang, vei lăng đei yua tơdrong jang khŭl kơdră chĕp kơ̆l tơring 2 tăl.