Tơ̆ jơ sơng, Thủ tướng chơt hơiă đei tơƀơ̆p Bơngai tang măt ƀlep ƀơ̆t Thủ tướng hơmet ăn vă năm ngôi, bơ̆ jang tơ̆ 1,2 teh đak châu Âu păng vang truh Hop akŏm tih tơbăt 45 sơnăm pơvei ASEAN – EU - tơƀôh gĭt kăl lơ̆m tơdrong pơvei jang tơbôl ASEAN – EU. Thủ tướng tơroi găh tơdrong mŭk drăm - tơpôl 11 khei blŭng sơnăm, dôm jơnei iŏk đei đơ̆ng tơdrong jang tơplih ‘nao kŭm nhen dôm tơdrong hơgăt hơtŏk tơiung tơdrong jang mă Hop akŏm Đảng lơ̆m teh đak ‘măng mă XIII tơlĕch ăn, Thủ tướng pơma hơdăh Việt Nam vei kơjăp jang kiơ̆ trong jang tơbôl hiôk hian, pơm tơm kơdih, lơ trong; hơdrin mơ̆t jang hơdai hăm apŭng plĕnh teh jrŭ să, tơpă, đei yua...

Thủ tướng athei 2 păh hơnơ̆ng jang hơdai kơjăp vă jang kiơ̆ đei yua tơdrong tơchơ̆t Mơdro sa hiôk hian EVFTA păng hơdrin pơtrŭt dôm teh đak jang lơ̆m EU uơ oei dơ̆ng jăh kĭ ăn Tơdrong tơchơ̆t vei lăng tơgŭm tơmơ̆t jên jang EVIPA; tŭn pran jang hơdai mơdro sa - tơmơ̆t jên jang vei sơđơ̆ng đei yua lăp ‘lơ̆ng, vang tơgŭm băl mưh ưh kơ pŭn ai, vang jơnei; hơnơ̆ng dôm tơdrong jang hơdai hơtŏk tơiung ăn Việt Nam.