VOV4.Bahnar - Kơ sơ̆ 18/3 tơ̆ Anih jang kơ Khul kơ dră tĕh đak, Thủ tướng Phạm Minh Chính sơng ƀok Thomas Vallely, Kơ dră vei lăng tơ drong pơ tho Việt Nam tơ̆ Hnam trưng Harvard păng dôm bơ ngai juăt jang kơ Hnam trưng đăi hŏk Fulbright Việt Nam. Tơ̆ jơ sơng, Thủ tướng Phạm Minh Chính tơ chĕng ‘lơ̆ng tơ drong tơ gop đơ̆ng ƀok Thomas Vallely lơ̆m tơ drong pơ jing Hnam trưng Đăi hŏk Fulbright Việt Nam păng pơ truh nơ̆r hơ iă hăm Đăi hŏk Fulbright iŏk đei lơ tơ drong ‘lơ̆ng lơ̆m tơ drong pơ tho păng tơ chĕng hơ len.

Lơ̆m khei ‘năr hrei ‘nâu, Khul kơ dră tĕh đak Việt Nam oei hơ tŏk dôm tơ drong tơ gŭm, trong jang vă tơ iung dơ̆ng, jang tŏk mŭk drăm tơ pôl, tơ gŭm pơ jing trong pơ gơ̆r, trong jang tŏk pran kơ jăp păng đunh đai. Lơ̆m nŏh, chih hơ dăh tưk tơ iung tôch ai găh kon bơ ngai; kon bơ ngai jĭ tơm hlŏh, jĭ tơ ‘ngla, jĭ jơ hngâm pran tơm păng tơ drong ‘mĕh vă jang tŏk. Atŭm hăm ‘nŏh chih hơ dăh, bơ̆ jang đei yoa trong pơ tho pơ hrăm, kŭm hăm khoa hŏk kơ măy kơ mŏk ‘nŏh jĭ trong jang tơm kơ tĕh đak, jĭ tơ drong kăl hlŏh vă jang atŏk tơ iung tĕh đak.

Dơ̆ng: Tơ blơ̆