Thủ tướng teh đak bơ̆n akhan, tơdrong mă dôm anih jang mŭk drăm Trung Quốc hơtŏk dôm tơdrong jang hơdoi, asong pơm jang tơ̆ Việt Nam gô tơgop pơm hơdah pơm kiơ̆ tơchơ̆t đơ̆ng đe kơdră kơpal kơ 2 teh đak, kơhret kơjăp hloh tơdrong Jang tơbôl tôm tơdrong Việt - Trung, pơjing Jơnŭm jang tơgŭm dih băl khei năr hơnô̆ hơnăp kơnh Việt Nam - Trung Quốc kăp gĭt hloh, adoi nhen tơgop lơ̆m tơdrong hơtŏk tơ-iung kơ 2 teh đak Việt Nam - Trung Quốc.

Jơnŭm pơgơ̆r teh đak Việt Nam hơnơ̆ng pơtrŭt dôm anih jang mŭk drăm Trung Quốc pơih să asong jang gah dôm tơdrong jang mă teh đak Trung Quốc jang pran, Việt Nam kăl păng tơrĕk asong jang tơnăp nhen: Hơtŏk ming man tơdrong kăl yua, mă hăt noh gah trong nơnăm, tơplih tơnăp dôm tơdrong jang 'nao gah hơtŏk jang hơgei kơmăi kơmŏk, hơtŏk tơ-iung jơk, jang gah unh hơyuh sơđơ̆ng, tơring kơdrơ̆m gơh rơgei, kŏng ngĭp pơm tơlĕch tơmam drăm 'lơ̆ng.