VOV4.Bahnar - Kơ sơ̆ ‘năr 11/10, Thủ tướng Phạm Minh Chính sơng ƀok Juan Ignacio Rubiolo, Phŏ Kơ dră chĕp kơ̆l Grŭp jang unh hơ yuh AES kơ tĕh đak Mi. AES jĭ grŭp jang unh hơ yuh đei lơ̆m hơ năn 500 công ty tih hloh kơ tĕh đak Mi yoa Kơ sơ̆p hla ar Fortune rơih păng jing 1 lơ̆m dôm công ty tơm dơ nơm kơ apŭng plĕnh tĕh găh ubnh hơ yuh. AES đei lơ tơ drong juăt lơ̆m tơ drong pơm tơ lĕch, pơ truh unh điên, man anih jang, pơm trong ăn tơ drong jang kơ măy hơ yuh sŏh lơ̆m apŭng plenh tĕh. 

Tơ̆ jơ sơng, Thủ tướng Phạm Minh Chính tơ chĕng ‘lơ̆ng dôm tơ drong iŏk đei đơ̆ng tơ mât jên jang xa, tĕch mơ dro, kŭm nhen dôm tơ drong jang hơ doi, tơ gŭm băl, tơ lĕch trong tơ gŭm bơ̆ jang đơ̆ng Grŭp jang AES tơ̆ Việt Nam lơ̆m khei ‘năr âu ki; mă loi lơ̆m dôm tơ drong jang unh hơ yuh rơ gŏh vang tơ gop ăn tơ drong jang tơ plih ming unh hơ yuh, năm truh tơ drong hơ met pơ ‘lơ̆ng carbon lơ̆m sơ năm 2050. Khul kơ dră tĕh đak Việt Nam vă yak hơ doi păng tơ gŭm, hơ met pơ ‘lơ̆ng dôm tơ drong oei găn trong vă dôm tơ drong tơ mât jên jang đơ̆ng Grŭp jang AES gơ̆h đei yoa păng iŏk đei jơ nei ‘lơ̆ng, tơ mât jên jang hơ doi đunh đai.

VOV/Dơ̆ng tơ blơ̆