VOV4.Bahnar - Thủ tướng Teh đak ‘nao đei jơ bơ̆ jang hăm kang ƀô̆ dơ nơm, joăt jang, bơ ngai jang khoa hŏk kơ Học viện Choh jang sa Việt Nam. Roi tơ băt tơ̆ jơ bơ̆ jang ăn ƀôh, dôm sơ năm âu ki, Học viện hlôi pơ tho ăn kơ teh đak păng 1,2 teh đak buăl hloh 120 rơ bâu kỹ sư păng kang ƀô̆ vei lăng đei hŏk đăi hŏk, hloh 10.000 thạc sĩ păng hloh 600 tiến sĩ. ‘Nâu đei lăng jĭ bơ ngai jang gĭt kăl lơ̆m tơ drong jang choh jang sa.

Thủ tướng iung pơ ma tơ̆ jơ bơ̆ jang

Pơ ma tơ̆ jơ bơ̆ jang, Thủ tướng Phạm Minh Chính pơ ma hơ dăh, Học viện kăl kơ vei kơ jăp dôm tơ drong tơ chơ̆t Trung ương 5 găh choh jang sa, tơ ring tơ rang, kon pơ lei jang chŭn mir; găh mŭk drăm tơ pôl păng găh teh kŭm nhen tơ drong tơ chơ̆t găh tơ plih ‘nao ‘lơ̆ng, tôm tơ drong pơ tho pơ hrăm. Thủ tướng athei, Học viện kăl kơ jang kiơ̆ trong jang đơ̆ng Đảng, teh đak găh hơ tŏk tơ iung choh jang sa, kon pơ lei jang chŭn mir, tơ ring tơ rang vă jang kiơ̆ đei yua hơ năp jang pơ tho bơ ngai jang ‘lơ̆ng pơ yua ăn tơ drong jang hơ tŏk tơ iung choh jang sa păng tơ ring tơ rang.

Thuem: Tơ blơ̆