Tơ̆ jơ sơng, Thủ tướng sơkơ̆t hơdah Đảng, Teh đak păng kon pơlei Việt Nam hơnơ̆ng lăng tơgĭt, hơpơi 'meh hơtŏk kơtang tơdrong jang tơbôl juăt jue Việt Nam - Triều Tiên gơh hơtŏk đei jơnei tơnăp. Thủ tướng pơtruh nơ̆r 2 pah jang hơdoi kơjăp vă pơm jang đei jơnei dôm tơchơ̆t pơdrơ̆ng atŭm đei pơkăp lơ̆m dôm 'măng năm tơmang kơpal đơ̆ng đe kơdră kơpal kơ 2 teh đak; vei kơjăp dôm tơchơ̆t jang hơdoi oei đei, lơ̆m noh đei Hơnih jang tơroh Jơnŭm pơgơ̆r teh đak gah jang hơdoi mŭk drăm, khua hŏk – kih thuơ̆t.

Atŭm hăm noh, 2 teh đak kăl hơtŏk jang hơdoi lơ̆m dôm tơdrong jang kăp gĭt nhen choh jang xa, joh ayŏ pơtho pơhrăm, tơplŏng kơdou, tơmang pơhiơ̆ păng hơmet jĭ jăn, kiơ̆ đơ̆ng noh tơgop hơtŏk tơdrong jang tơbôl păng pơih să jang hơdoi 2 pah lơ̆m jăl jang 'nao.