Lơ̆m 45 xơnăm, tơbôl ASEAN - EU hơtŏk kăp gĭt, đei jơnei lơ tơdrong. Xơnăm 2021, ASEAN jing teh đak jang tĕch pơdro 'nguaih châu Âu pran mă 3 kơ EU lơ̆m kơplăh  EU noh jang hadoi tĕch pơdro tih mă 3 kơ ASEAN hăm pơkăp kơjă tĕch pơdro 2 păh đei yua 268,9 rơtăl đôlar, atŭm hăm noh EU jing anih axong jang kơtă truh teh đak đe pran hloh mă 2 kơ ASEAN hăm kơsô̆ jên đei yua 26,5 rơtăl đôlar. Hơyak khei năr anô̆ anăp kơnh, 2 păh drơ̆ng nơ̆r kăl kơhret kơjăp hloh dơ̆ng tơbôl jang Hadoi kiơ̆ pơkăp ăh xơnăm 2020 kiơ̆ pơkăp khôi luơ̆t apŭng plenh teh, jang hadoi hơtŏ hơnơ̆ng păng atŭm đei yua, hơmet hơtŏk tơ iung jơk păng kơjăp xơđơ̆ng.

Thủ tướng teh đak bơ̆n Phạm Minh Chính bơnê kơ tơdrong kăp gĭt đơ̆ng Hop akŏm Kơpal tơbăt 'măng mă âu, pơm gru kơnăl 45 xơnăm tơbôl đơ̆ng 2 anih jang lơ̆m tơring đei jơnei keh kong lơ̆m kơpal teh. Thủ tướng xơkơ̆t dôm tơdrong đei jơnei pơm jang hadoi hlôi pơjing tơdrong tơm, păng tŏk bŏk oei hơtŏk jơhngơ̆m pran ăn tơdrong tơbôl jang hadoi.