Pơma ah hop akŏm, Thủ tướng Phạm Minh Chính pơtruh nơ̆r hăm rim bơngai tang măt akŏm pơma đam gah Chih akŏm tơbang Hơkŏp sơnong jang kơ Jơnŭm pơgơ̆r Pơlong – Pôk hơpah Trung ương sơnăm 2024, tơlĕch sơnong jang tơm ăn sơnăm 2025; Pơma đam, tơgop nơ̆r gah tơdrong athei pôk hơnăn  “Grŭp jang kon pơlei nuih mơng”, hơnăn “Nuih kơtang Bơngai jang” ăn dôm jơnŭm jang, bơngai jang. Sơkơ̆t hơdah tơdrong jang tơm lơ̆m pơlong, pôk hơpah sơnăm 2024: Athei tơƀôh hơdah dôm tơdrong jang hlôi đei jơnei, dôm tơdrong oei tơjruh; Sơkơ̆t hơdah sơnong jang, trong jang vă hơtŏk pơ-'lơ̆ng păng đei jơnei tơdrong jang pơlong, pôk hơpah.

Mă kăl, Thủ tướng pơtruh nơ̆r hăm dôm anih jang tơroi tơbăt akŏm tơroi kơtang hloh dơ̆ng, vă tơdrong jang gơh truh tôm lơ̆m kon pơlei. Sơnăm 2024, Kơdră teh đak, Thủ tướng teh đak hlôi pôk hơpah ăn jê̆ 95.000 anih jang, bơngai jang hơgei lơ̆m tơdrong jang pơlong lơ̆m pơjing păng vei lăng teh đak.