Tơ̆ dôm tơdrong tơjrâ̆m kơpal, 2 păh drơ̆ng nơ̆r pơtoi adrin hơtŏk tơbôl tơjê̆ 'lơ̆ng rŏ, tơbôl juăt jue, jang hadoi tôm tơdrong, kơjăp đunh đai Việt Nam - Campuchia pơtoi hơtŏk kơjăp, kơyuơ tơdrong pơyua ăn kon pơlei 2 teh đak.

Kơdră Kuôk hô̆i Heng Samrin bơnê kơ tơdrong đei jơnei đơ̆ng pơma đam adrol kơ noh đơ̆ng 2 Thủ tướng păng tơdrong mă 2 păh kĭ pơkăp đei 11 hla bar pơkăp jang hadoi lơ̆m 'măng âu; bơnê kơ tơdrong jang hadoi kơ 2 Khul kơpal teh đak Việt Nam - Campuchia lơ̆m dôm tơdrong jang păng mă hăt noh lơ̆m tơdrong xơkơ̆t trong xơlam ƀŭ jrăng tơkăng teh. Thủ tướng Phạm Minh Chính ră hơdăh tơdrong hơtŏk pơ 'lơ̆ng tơbôl tơjê̆ păng jang hadoi tôm tơdrong Việt Nam - Campuchia noh pơkăl hơ iă hăm pơđĭ 2 teh đak. Thủ tướng 'meh vă Kuôk hô̆i, khul kơpal teh đak Campuchia pơtoi tơrĕk tơgŭm tơdrong hơtŏk jang hadoi mŭk drăm kơ 2 teh đak tơgăl hăm mŭk drăm păng tơbôl 'lơ̆ng rŏ kơ 2 teh đak.