Pơm jang hăm kơdră kơ rim anih jang tơm, rim tơring păng kơdră dơnơm kơ dêh char Thái Nguyên, Thủ tướng hơpơi 'meh dêh char akŏm jơhngơ̆m vă hơmet 'mi kial đak hơbông pơrăm. Thủ tướng Phạm Minh Chính truh asong tơmam, apinh jet gia pơma dơnuh hăm unh hnam kon pơlei ƀơm răm đơ̆ng đak hơbông, vang glơng tơdrong hiong răm hăm kon pơlei dêh char Thái Nguyên bơh ƀơm đak hơbông pơrăm lơ̆m lơ sơnăm kơ ou.

Thủ tướng hơpơi 'meh kon pơlei pơtoi tơguăt tơguăl, pơm kiơ̆ pơkăp "tơgŭm dih băl", lơ̆m tơdrong tơnap tap hrat hrĭn. Thủ tướng pơgơ̆r rim anih jang lơ̆m jơ̆p dêh char athei jang mă tơnăp, tơguăt tơguăl, drơ̆ng minh asong jang trŏ kiơ̆ tơdrong đei ƀôh, chĕp vei tơdrong tơguăt tơguăl vă găn hloh tơnap tap, hloh kơ 'mi kial đak hơbông pơrăm.