Vă jê̆ 9 sơnăm au ki, Hnam pơgang Chợ Rẫy - Phnôm Pênh - hơnĭh jang hơdoi blŭng a lơ̆m tơdrong jang pơgang ƀar păh tĕh đak hlôi đei et hơtŏk. Hăm lơ khŭl jang hơgei trŏ lăp hăm chăl hle gơ̆h hơgei, hnam pơgang hlôi tơgop gĭt kăl trŏ lăp ‘mĕh vă chă khăm, ming hơmet jĭ ăn kon pơlei Campuchia pơma atŭm hăm kon pơlei Hơnih tơm Phnôm Pênh pơma hơdrô̆.

Tơ̆ jơ bơ̆ jang hăm kơdră chĕp pơgơ̆r hnam pơgang, Thủ tướng hôn bơnê dôm tơdrong hơdrin đơ̆ng rim bơngai tơmơ̆t jên jang, khul ƀok thây pơgang kơ Việt Nam păng Campuchia tơ̆ Hnam pơgang Chợ Rẫy- Phnôm Pênh; ‘mĕh vă, rim bơngai tơmơ̆t jên jang, ƀok thây pơgang Việt Nam tơ̆ Hnam pơgang Chợ Rẫy - Phnôm Pênh hơnơ̆ng jang kiơ̆ ‘lơ̆ng tơdrong jang chĭnh trĭ kơ hơnĭh au; hơdrin hlŏh dơ̆ng jang ‘lơ̆ng hlŏh dơ̆ng tơdrong jang vei lăng năng tông jơhngơ̆m jăn ăn kon pơlei Campuchia.