VOV4.Bahnar - ‘Năr 25/9, Thủ tướng Phạm Minh Chính hlôi bơ̆ jang hăm Khŭl chĕp kơ̆l Đảng dêh char Yên Bái. Thủ tướng lăng ‘lơ̆ng dôm jơ nei mă Đảng bộ, Khŭl kơ dră păng kon pơ lei dêh char Yên Bái hlôi iŏk đei lơ̆m khei ‘năr âu ki. Thủ tướng pơ ma hơ dăh, jĭ tơ ring teh ƀĕnh tơ drong joăt joe jơ hnơr arih, joh ayŏ păng kach mang, hăm lơ tơ mam ‘lơ̆ng tơ drong hiôk, Yên Bái đei tôm tơ drong vă hơ tŏk tơ iung hrĕnh păng kơ jăp; jing dêh char đei ƀôh lơ̆m sơ năm 2025.

Thủ tướng akhan Yên Bái đei tôm tơ drong hiôk vă jing dêh char đei ƀôh lơ̆m sơ năm 2025

Thủ tướng tơ tă athei lăng kăl hơ tŏk tơ iung hơ dai mŭk drăm, joh ayŏ - tơ pôl păng vei lăng cham char bri brăh tơ klep hăm vei sơ đơ̆ng teh đak; hơ tŏk tơ iung mŭk drăm mă lei athei vei sơ đơ̆ng hơ tŏ hơ nơ̆ng lơ̆m tơ pôl, vei lăng cham char. Lơ̆m kơ plăh hơ tŏk tơ iung athei ling lang jang kiơ̆ yan âu; hơ tŏk loi dơ̆ng klăih song kơ chư̆k jang, klăih song tơ drong gơh jang, tơ ƀôh hơ năp jang tơ năp đơ̆ng bơ ngai chĕp kơ̆l năm hơ dai hăm hơ len lăng, dăr lăng.

Thuem: Tơ blơ̆