VOV4.Bahnar - Kơ sơ̆ ‘năr 12/6, Thủ tướng teh đak Phạm Minh Chính bơ̆ jang hăm Khŭl kơ dră chĕp kơ̆l Anih jang Đảng dêh char Bắc Giang găh tơ drong, pơ tôch tơ lĕch jang kiơ̆ Tơ drong tơ chơ̆t Hop akŏm XIII kơ Đảng păng Tơ drong tơ chơ̆t Hop akŏm XIX kơ Đảng bộ dêh char Bắc Giang. Đơ̆ng rŏng kơ mơ̆ng tơ roi tơ băt đơ̆ng dêh char păng dôm nơ̆r athei tơ lĕch ăn. Pơ tôch ‘măng hop akŏm, Thủ tướng teh đak Phạm Minh Chính lăng ‘lơ̆ng dôm jơ nei mă Khŭl kơ dră păng kon pơ lei dêh char Bắc Giang hlôi iŏk đei lơ̆m khei ‘năr âu ki.

Thủ tướng teh đak Phạm Minh Chính bơ̆ jang hăm kơ dră chĕp kơ̆l dêh char Bắc Giang

Găh hơ năp jang tơ̆ hơ năp kơnh Thủ tướng tơ ƀôh rơ đăh: vei kơ jăp, tơ lĕch jang kiơ̆ đei yua tơ drong tơ chơ̆t hop akŏm XIII đơ̆ng Đảng păng tơ drong tơ chơ̆t Hop akŏm Đảng bộ dêh char; tơ mơ̆t yua, bơ̆ jang kiơ̆ ƀlep trong jang đơ̆ng Đảng, trong jang tơ gŭm khôi luơ̆t đơ̆ng teh đak păng tơ drong pơ gơ̆r vei lăng đơ̆ng Khŭl kơ dră teh đak, Thủ tướng teh đak. Lăng kăl pơ tôch, hơ len lăng ƀai hŏk hlôh vao, hơ tŏk tơ drong jang hơ dai, trong jang đei yua vă hơ nơ̆ng pơih să, pơm tơ drong păr ang ‘lơ̆ng.

Thuem: Tơ blơ̆