VOV.Bahnar - Kơ sơ̆ ‘năr 27/3, Thủ tướng teh đak Phạm Minh Chính đei jơ bơ̆ jang hăm kơ dră dơ nơm dêh char Quảng Nam. Đơ̆ng rŏng kơ mơ̆ng dôm nơ̆r tơ gop, pơ ma dơ nuh, Pơ tôch jơ bơ̆ jang, Thủ tướng teh đak Phạm Minh Chính lăng ‘lơ̆ng dôm tơ drong hơ găt mă dêh char tơ lĕch ăn, hlôi jang kiơ̆ hơ drin ‘lơ̆ng, jơ hngơ̆m jang tơ năp găh tơ drong hơ tŏk tơ iung kơ tơ ring, hơ tŏk ‘lơ̆ng tơ drong arih sa kon pơ lei.

Jơ bơ̆ jang

Găh đon tơ chĕng pơ gơ̆r jang, Thủ tướng pơ ma hơ dăh: Kăl kơ vei kơ jăp, tơ lĕch jang kiơ̆ đei yua tơ drong tơ chơ̆t Hop akŏm XIII kơ Đảng păng tơ chơ̆t Hop akŏm Đảng bộ dêh char; tơ mơ̆t yua, pơm kiơ̆ ƀlep trong jang đơ̆ng Đảng, tơ drong jang tơ gŭm khôi luơ̆t đơ̆ng teh đak, tơ drong pơ gơ̆r vei lăng đơ̆ng Khŭl kơ dră teh đak, Thủ tướng teh đak. Jang kiơ̆ yan âu, đei ƀôh đơ̆ng yan âu, pơ yom đơ̆ng yan âu, iŏk yan âu pơm ‘long rek pơ tŏ; vei kơ jăp tơ drong hơ găt ‘lơ̆ng mă lei athei tơ tĕnh, hơ gei, vei sơ đơ̆ng đei yua. Jang kiơ̆ đei tơ drong tơm, jang truh dang yơ pơ tôch truh dang noh, tơ drong hơ yơ đang tơ drong ‘noh.

Thuem: Tơ blơ̆