VOV4.Bahnar - Pơgê năr 18/4, Thủ tướng Tĕh đak Phạm Minh Chính năm ngôi, hơlêm dôm bơngai vang pơlong, bơngai pơtho păng dăr lăng bơ̆ jang hơmet ăn Sea Games 31 tơ̆ Hơnĭh tơm Pơtho đă ƀŏng lŏng tơplŏng kơdau tĕh đak Hà Nội păng Hơnĭh pơlong tơplŏng kơdau lơ̆m hnam Mỹ Đình, Cham đă ƀŏng lŏng tơplŏng kơdau Tĕh đak Mỹ Đình.Khŭl kang ƀô̆, bơngai pơtho, bơngai đă ƀŏng lŏng tơplŏng kơdau hơnĭh au gô hơdrin pơlong, iŏk đei jơnei 100 mê đai tơ̆ SEA Games ‘măng mă au.

Tơ̆ jơ tơ ƀơ̆p mŭh măt, Thủ tướng Phạm Minh Chính ‘mĕh vă rim bơngai pơlong, bơngai pơtho păng khŭl đă ƀŏng lŏng tơplŏng kơdau Việt Nam hơnơ̆ng vei kơ jăp tơgoăt mĭnh ƀơ̆r đon, jang kiơ̆ jơnei, iŏk đei kơ jăp lơ̆m dôm sơnăm hơdrol, hơdrin yak hlŏh tơnap tap, tơdrong long, hơdrin pơ hrăm pơđĭ jơhngơ̆m jăn, jơhngơ̆m pran, hơbĕch hơbal vă iŏk đei jơnei hlŏh dơ̆ng tơ̆ SEA Games 31. Thủ tướng pơma hơdăh: SEA Games 31 jing jơ rơvơn vă khŭl đă ƀŏng lŏng tơplŏng kơdau Việt Nam pran kơtang, nuih, iŏk đei jơnei pơ đĭ lơ̆m khŭl. ‘Nau jei jing jơ ‘năr vă tĕh đak bơ̆n đei rơvơn tơ ƀô̆h tơbăt um rup, kon bơngai Việt Nam hăm tơmoi apŭng plĕnh tĕh.

Tơblơ̆ nơ̆r: Amazưt