VOV4.Bahnar - Pơ gê hei ‘năr 29/4, tơ̆ Anih bơ̆ jang kơ Khŭl kơ dră teh đak, Thủ tướng teh đak Phạm Minh Chính pơ gơ̆r ‘măng hop akŏm Khŭl kơ dră teh đak khei 4. Pơ ma tơ gop tơ̆ ‘măng hop akŏm, Thủ tướng Phạm Minh Chính pơ ma hơ dăh, tơ drong mŭk drăm tơ pôl lăng atŭm đei trong tơ iung ming ‘lơ̆ng, iŏk đei jơ nei hơ iă lơ̆m rim tơ drong jang kơ măy kơ mŏk, choh jang sa, pơ vih pơ văn lơ̆m khei ‘năr atŭm mơ mat tat lơ̆m apŭng plĕnh teh. Mă  lei tơ dra hơ drol tơ drong oei lơ mơ mat tat, kăl hơ nơ̆ng vei lăng ‘lơ̆ng jĭ hơ buh; hơ met ăn Hop akŏm Trung ương 5, hơ met ăn pơ gơ̆r ‘măng hop akŏm kơ Kuôk hô̆i păng Khŭl kơ dră teh đak, SEA Games 31... Yua thoi noh Thủ tướng athei dôm bơ ngai tang măt hơ len lăng tơ drong yan âu, tơ gop dôm hơ năp jang, trong jang đei iŏk yua.

Thuem: Tơ blơ̆