VOV4.Bahnar - Pơgê năr 6/9, tơ̆ Hơnĭh bơ̆ jang Khŭl kơdră tĕh đak, Thủ tướng Tĕh đak Phạm Minh Chính pơm tơm Hop akŏm Khŭl kơdră Tĕh đak joăt joe khei 8 păng 8 khei sơnăm 2022.

Rup hop akŏm

Iung pơma tơ̆ hop akŏm, Thủ tướng Tĕh đak Phạm Minh Chính pơma hơdăh, ‘măng hop akŏm au đei 4 tơdrong tơm kăl: lăng hơlen tơdrong khei 8 păng 8 khei au ki, tơdra hơdrol tơdrong, tơlĕch tơdrong jang trŏ lăp. Thủ tướng athei lăng kơ jăp tơlĕch trong jang trŏ lăp. Thủ tướng athei, rim kơdră tang măt hăm hơnăp jang, akŏm jơhngơ̆m đon vă tơgop nơ̆r ƀlep, kyăp”, pơma hơdăh tơdrong, hơlen mă hơdăh tơdrong tơm pơm ăn, đơ̆ng nŏh mă tơlĕch ‘lơ̆ng trong jang tơ̆ hơnăp kơnh. Tơdrong jang mŭk drăm-tơpôl khei 8 păng 8 khei blŭng sơnăm hơnơ̆ng sơđơ̆ng păng ‘lơ̆ng hơ iă lơ̆m rim tơdrong jang. Tơdrong jang kmăi kmŏk pơm tơlĕch tơmam drăm đei hơmet pơ ‘lơ̆ng. Mơdro sa, tĕch mơdro sơđơ̆ng, hơmet pơ ‘lơ̆ng tĕnh koăng tơ̆ rim hơnĭh jang. Rim tơdrong jang vei lăng năng tông ăn bơngai đei iŏk yua ăn tĕh đak, bơngai dơnŭh, bơngai jang đei tơlĕch ‘lơ̆ng hơ iă.

Tơblơ̆ nơ̆r: Amazưt