Tơ̆ hop akŏm rim kơdră jang lơ̆m Khul kơdră chĕp pơgơ̆r Teh đak hlôi pơma dơnuh păng tơgop nơ̆r hăm Trong vă pơjing Tơdrong tơchơ̆t Vei lăng năng tông Hơnih gru gra gĭt kăl dăr sơnăm Pơsat Ƀok Hô kơ yuơ Hơnih tơm Ƀô̆ đô̆i pơtruh ăn; Athei tơ iung pơjing Khôi luơ̆t hơmet ming, tơmơ̆t dơ̆ng mĭnh ƀar apăng kơ Khôi luơ̆t Iŏk yua ŭnh hơyuh pơkom păng jơnei kơ yuơ Hơnih tơm vei lăng Mơdro sa pơtruh ăn; Athei tơ iung pơjing Khôi luơ̆t Ŭnh hơyuh Nguyên tư (hơmet ming) kơ yuơ Hơnih tơm jang Khoa hŏk păng Kmăi kmŏk pơtruh ăn; Athei tơ iung pơjing Khôi luơ̆t Jang kiơ̆ rôp gơ̆t, rôp kron păng ưh kơ ăn lĕch đơ̆ng tơring oei kơ yuơ Kơdră chĕp pơgơ̆r Hơnih tơm Kŏng ang pơtruh ăn. Hăm dôm nơ̆r tơgop đei ƀơm truh tơdrong rôp pơkơ̆ng, rôp kron đei ƀơm truh rim bơngai đei tơdrong jĭ vơnh, kiơ̆  đơ̆ng Thủ tướng hlôi đei tơdrong jĭ ‘noh ưh kơ gơh rôp pơkơ̆ng, rôp chit păng ba năm ming hơmet jĭ kiơ̆ tơdrong pơm tơm kơ kon bơngai, Hơnih tơm vei lăng jang pơgang vei lăng khăm ming hơmet jĭ ăn bơngai jĭ, găh hăm dôm bơngai pơm yoch ‘noh jĭ kơ yuơ Hơnih tơm Kŏng ang vei lăng năng tông.