VOV4.Bahnar - Pơgê năr 10/10, Năr Tơplih kơsô̆ tĕh đak hlôi pơgơ̆r tơ̆ Hnam hop akŏm tơm tĕh đak hăm vang năm đơ̆ng Thủ tướng Tĕh đak Phạm Minh Chính păng pơtrŭh nơ̆r pơkă đơ̆ng Khŭl kơdră tĕh đak găh atŏk kơtang jang tơplĭh kơsô̆ tĕh đak.

Thủ tướng Phạm Minh Chính iung pơma tơ̆ hop akŏm

Iung pơma tơ̆ jơ pơm lêh, Thủ tướng sơkơ̆t hơdăh, Đảng, Tĕh đak bơ̆n hơnơ̆ng lăng kơ jăp păng lăng tơdrong jang kiơ̆ kmăi kmŏk kơsô̆ ‘nŏh mĭnh lơ̆m dôm tơdrong jang gĭt kăl hlŏh lơ̆m khei ‘năr bơ̆ jang hăm kmăi kmŏk gơ̆h hơgei kơ tĕh đak. Tơdrong tơchơ̆t Pơm lêh hop akŏm mă XIII kơ Đảng hlôi pơma trŭh tơdrong tơplĭh kơsô̆, mŭk drăm kơsô̆, tơpôl kơsô̆ lơ̆m rim trong tơlĕch jang atok tơ iung. Tơdrong tơchơ̆t đơ̆ng Dơnŏ anĭh tơm Chĭnh trĭ hlôi pơma hơdăh, kăl iung jang kiơ̆ kơtang hlôi lơ̆m bơ̆ jang kmăi kmŏk kơsô̆. Tơdrong jang tơplĭh kơsô̆ tĕh đak trŭh sơnăm 2025, lăng trŭh sơnăm 2030 đơ̆ng Khŭl kơdră tĕh đak tơlĕch ăn kiơ̆ trong tơplĭh keh kong hăm vang iung jang đơ̆ng kon pơlei, khŭl mơdro sa păng rim hơnĭh bơ̆ jang kơ Tĕh đak.

VOV/Amazưt tơblơ̆ nơ̆r