Tơ̆ ‘măng sơng Thủ tướng Tĕh đak Phạm Minh Chính sơkơ̆t hơdăh Việt Nam jĭ Tĕh đak hưch hanh hơmanh bơnê hăm tơdrong rơngei hiôk hian, jĭ tĕh đak jang tơnăp lơ̆m tơpôl apŭng plĕnh tĕh, ling lang atŏk kơtang trong jang lơpang, ling lang atŏk jang kiơ̆ ƀlep trong bơ̆ jang khôi luơ̆t apŭng plĕnh tĕh đei chĭh tơmơ̆t lơ̆m Tơdrong tơchơ̆t Khôi luơ̆t tơm Liên hợp quốc, lơ̆m au đei tơchơ̆t rơngei hiôk hian xek tơlang rim tơdrong tơgar dĭh băl apŭng plĕnh tĕh.

Việt Nam tŏkbŏk tơ iung pơjing mŭk drăm kơdĭh, tơklep hăm vang mơ̆t hơdoi apŭng plĕnh tĕh ‘lơ̆ng hơ iă, jơ̆p jang, jơnei, lơ̆m au đei vang jang kiơ̆ lơ̆m khôi luơ̆t. Kơ yuơ lơ lŏh, Thủ tướng ‘mĕh vă jang hơdoi kơ jăp hăm PCA lơ̆m tơbăt dih băl trong jang hơ iă, tơgŭm djru xek tơlang rim tơdrong tơgar dĭh băl lơ̆m khei ‘năr vang mơ̆t hơdoi apŭng plĕnh tĕh.