VOV4.Bahnar - Pơgê năr 26/1, Thủ tướng Tĕh đak Phạm Minh Chính vang năm pơm lêh et hơtŏk Gơng Cửa Lục 1 păng trong jĭh đak dơsĭ Hạ Long- Cẩm Phả jăl 1. Hơnĭh jang au đei ming man đơ̆ng năr 28/4/2020, pơjing 6 trong gre rok, trong atăih 4.265m, kon jên tơmơ̆t jang hlŏh 2.100 ti hlak jên. Jăl trong tăp dăr jĭh đak dơsĭ dêh char ư̆h khan lăp vă tơƀư̆h 2 pơlei tơm kơ dêh char ‘nŏh Hạ Long - Cẩm Phả, mă lei oei tơgoăt 2 hơnĭh gru gra gĭt kăl dăr sơnăm Ving Hạ Long - Bái Tử Long, pơjing rơvơn chă yơyak hiôk hian, sơđơ̆ng ăn kon pơlei. Adoi tơgop iung jang ‘lơ̆ng hơ iă tơdrong đei găh groi tĕh lơ̆m tơring jăl trong găn hlŏh, pơjing rơvơn ăn atŏk tơ iung mơdro ssa, tơmang pơ hiơ̆, tĕch mơdro, pơjing đei lơ dơnŏk duk păng tơring kơdrơ̆m ‘moi kiơ̆ jăl trong. Iung pơma tơ̆ jơ et hơtŏk, Thủ tướng Tĕh đak Phạm Minh Chính pơma hơdăh, rim tơdrong jang kăl kơ dêh char Quảng Ninh hlôi păng tŏk bŏk atŏk kơtang tơbăt hơdăh tơdrong jơnei kơ dêh char lơ̆m jang kiơ̆ rim hơyak pran găh atŏk tơ iung trong nơnăm ‘lơng hơ iă, sơđơ̆ng ăn chă yơ yak, pơtrŭt kơtang tơbư̆h rim tơring tơrang.

Tơblơ̆ nơ̆r: Amazưt