VOV4.Bahnar - ‘Năr 27/1, Thủ tướng teh đak Phạm Minh Chính, Kơ dră Anih pơ gơ̆r jang teh đak tang găn jĭ COVID-19 (Anih pơ gơ̆r jang) pơ gơ̆r hop a kŏm trực tuyến hăm 63 dêh char, pơ lei tơm găh tơ drong jang tang găn jĭ COVID-19 pơ ma dơ nuh dôm hơ năp jang, trong jang tang găn jĭ COVID-19, mă loi ‘noh lơ̆m năr Tết Nguyên đán; hơ met ăn pơ̆ih ‘măng hnam trưng hŏk hơ lơ̆k dơ̆ng păng pơ̆ih ‘măng tơ mang lăng, tơ iung ming mŭk drăm - tơ pôl. Pơ ma tơ̆ ‘măng hop a kŏm, Thủ tướng Phạm Minh Chính tơ băt, ‘măng hop akŏm vă dăr hơ len, băt hơ dăh tơ drong jĭ hơ buh, mă loi ‘noh set hơ len găh dôm tơ drong đei ƀôh plơ̆ng, kăl kơ tơ rĕk truh vă đei trong jang kơ chăng hơ met pơ ‘lơ̆ng tơ tom. Kiơ̆ đơ̆ng noh tơ gop vă kon pơ lei đei sơng têt sơ đơ̆ng, chơt hơ iă, hiôk hian. Mă loi ‘noh tơ drong jang kiơ̆ tơ drong jang ƀet bơ̆ng vaccine hrĕnh pơ yan puih mak sơ năm 2022. Hơ drin truh đĭ 1/2022 ƀet tôm 2 jrŭm ăn hơ ioh đơ̆ng 12-17 sơ năm; truh đĭ jăl khei mă 1/2022 ƀet đang jrŭm mă 3 ăn bơ ngai đơ̆ng 18 sơ năm tơ̆ kơ pal.

Thuem: Tơ blơ̆