VOV4.Bahnar - Kơ sơ̆ 23/9, Thủ tướng tĕh đak pơ gơ̆r Hop akŏm “Atŏk tơ iung anih jang khoa hŏk păng kơ măy kơ mŏk hrơ̆ch ‘lơ̆ng, đei yoa, rơ gei păng mât jang hơ doi”. Hop akŏm pơ gơ̆r kiơ̆ trong pơ gơ̆r kơ tă păng trư̆k tuyê̆n hăm 63 dêh char, plt. Hop akŏm vă hơ len năng rim tơ drong, lăng ƀôh dôm tơ drong tam mă pran ‘lơ̆ng, oei mơ mat tat, pơ long nol, đơ̆ng noh chih hơ dăh trong jang, tơ drong vă jang vă gơ̆h pơ gơ̆r ‘lơ̆ng ƀiơ̆ anih jang khoa hŏk, kơ măy kơ mŏk.

Rup Hop akŏm

Pơ ma lơ̆m hop akŏm, Thủ tướng Phạm Minh Chính pơ ma hơ dăh: atŏk tơ iung anih jang khoa hŏk, kơ măy kơ mŏk athei iŏk tơ drong tơ chĕng hơ len khoa hŏk pơm tơm, bơ ngai jang khoa hŏk jĭ jơ hngâm pran, anih jang jĭ anih pơ gơ̆r, lăp hăm tơ drong jang kăch mang kơ măy kơ mŏk ‘măng mă 4 păng trong mât jang hơ doi mŭk drăm hăm apŭng plenh tĕh; athei đei trong tơ gŭm hrơ̆ch ‘lơ̆ng, lăp hăm tơ drong jang atŏk tơ iung tơ mam drăm, pơ vih pơ văn, bơ̆ jang păng jên hu; tơ mât hơ dai tơ drong tĕch mơ dro lơ̆m tĕh đak hăm plei tĕh păng tơ̆ tơ ring, lăp hăm dôm nơ̆r pơ kăp hăm apŭng plenh tĕh đơ̆ng Việt Nam păng tơ drong hơ găt đơ̆ng apŭng plenh tĕh.

Dơ̆ng: Tơ blơ̆