Thủ tướng Tĕh đak Phạm Minh Chính, Kơdră Dơnŏ anĭh chĕp pơgơ̆r Tĕh đak tang găn jĭ hơbŭh Covid-19, pơm tơm Hop akŏm mă 18 kơ Dơnŏ anĭh chĕp pơgơ̆r kiơ̆ trong pơgơ̆r trư̆k tuyên hăm 63 dêh char, pơlei tơm găh Trung ương.

Iung pơma tơ̆ hop akŏm, Thủ tướng Thủ tướng Tĕh đak Phạm Minh Chính pơma hơdăh kăl atŏk kơtang jang tang găn jĭ hơbŭh Covid-19 mă ‘lơ̆ng hlŏh dơ̆ng vă đei rơvơn iung jang rim tơdrong jang chĭnh trĭ, atŏk tơ iung mŭk drăm-tơpôl kơ sơnăm 2022, sơnăm 2023 păng dôm sơnăm đơ̆ng rŏng. Vă tang găn jĭ hơbŭh COVID-19 jơnei, vei lăng jơhngơ̆m jăn kon pơlei, pơjing rơvơn hơmet pơ ‘lơ̆ng, atŏk tơ iung mŭk drăm-tơpôl kăl hơnơ̆ng lăng hơlen dôm tơdrong, pơjing rim trong tơlĕch jang mă trŏ ƀlep hăm hơmơt đei jĭ hơbuh dơng; adoi tơtom pơtrŭh ăn dơ̆ng rim nơ̆r pơtho tơbăt păng tơgŭm djru tơring lơ̆m tang găn jĭ hơbŭh Covid-19.