Thủ tươ̆ng hlôi tơblang tơdrong kăp gĭt, tơchơ̆t kơ tơdrong hơtŏk ming man trong nơnăm păng pơm jang mong răk tơjră huach kư̆ kă.

Thủ tươ̆ng pơkăl pơtoi hơtŏk hlôh vao găh tơdrong mong răk, tơjră huach kư̆ kă tơguăt hăm tơdrong jang tang găn păng tơjră xa pơjĭp, kơnê̆ kiơ̆ pơkăp pơgơ̆r đơ̆ng Tổng ƀĭ thư Nguyễn Phú Trọng; pơkăl dôm jăl pơgơ̆r anih jang, rim tơring, kon pơlei păng anih jang mŭk drăm jâ̆p teh đak akŏm pơlong jang tơnăp minh ƀar xơnong jang tơm vă pơjing tơdrong pơlong hăt hot lơ̆m ming man, hơtŏk tơdrong jang ming man tenh, kơjăp xơđơ̆ng; pơkăl dôm anih jang tơm, jơnŭm pơgơ̆r tơring chĕp vei tơnăp xơnong yuk hơlâu, khĭn kơchĕng, khĭn pŭ xơnong pơyua atŭm dih băl.