VOV4.Bahnar - Drơ̆ng nơ̆r krao hơ vơn đơ̆ng Thủ tướng Nhật Bản Kishida Fumio, Thủ tướng teh đak Phạm Minh Chính hlôi vang akŏm păng pơ ma trực tuyến tơ̆ Hop akŏm gĭt kăl ‘măng mă 4 tơ ring Châu Á-Thái Bình Dương găh đak. Pơ ma tơ̆ Hop akŏm, Thủ tướng Phạm Minh Chính pơ ma hơ dăh dôm tơ drong đei ƀơm ưh kơ ‘lơ̆ng tam mă ƀiơh đei đơ̆ng dôm long nol jơ̆p plei teh nhen jĭ hơ buh COVID-19, tŏ ‘mi kial pơ răm, tơ plih tŏ ‘mi kial, bơ̆ jang hloh tơ drong dôm tơ mam bri brăh, lơ̆m noh đei tơ mam đak, hlôi păng tŏk bŏk pơm ăn ƀơm ưh kơ ‘lơ̆ng tih tên păng lơ tơ drong ăn jơ hnơr năr ‘nâu păng kơnh dơ ning, athei đei trong gơh jang păng trong jang plei teh. Thủ tướng teh đak pơ ma hơ dăh khei ‘năr âu ki, Việt Nam ling lang hơ drin vang jang păng tơ gop lơ̆m tơ drong hơ drin atŭm lơ̆m rim tơ drong jang hơ dai apŭng plĕnh teh, mă loi ‘noh jĭ hăm dôm teh đak đei atŭm đak hăm Việt Nam nhen Lào, Cam-pu-chia, Trung Quốc păng dôm teh đak jang hơ dai apŭng plĕnh teh nai vă vei lăng, hơ tŏk tơ iung păng iŏk yua kơ jăp păng đei yua, vang đei iŏk yua đak đơ̆ng dôm đak krong.

Thuem: Tơ blơ̆