Sơnăm 2022, anih jang Nội vụ hlôi iŏk đei lơ jơnei gĭt kăl, mă loi ‘noh lơ̆m tơdrong jang pơgơ̆r, vei lăng đơ̆ng anih jang Nội vụ hơnơ̆ng đei tơplih ‘nao, vei sơđơ̆ng ‘lơ̆ng, drơ̆ng 1 nơ̆r, đei yua. Jang kiơ̆ ‘lơ̆ng hơnăp jang anih jang chĕp kơ̆l tơdrong jang hơmet ming hành chính đơ̆ng Khŭl kơdră teh đak, tơgop hơnhăk ăn 1 kơ sô̆ jơnei ‘lơ̆ng, hlôi pơgơ̆r 09 ‘măng hop akŏm tơdrong jang pơjing khôi luơ̆t, ăn tơgop nơ̆r, pơdrơ̆ng kiơ̆ 39 tơdrong athei, tơdrong jang luơ̆t; akŏm pơjing Tơdrong jang proh hơmet anih jang  hành chính tơ̆ apŭng, tơ̆ xăh jăl jang 2022-2025, trong vă jang truh sơnăm 2030. Tơdrong jang tơbôl đei lăng kăl păng iŏk đei jơnei ‘lơ̆ng hơiă. Pơgơ̆r jơnei Hop akŏm dôm bơngai chĕp kơ̆l tơdrong jang ASEAN păng ASEAN+3.

Pơ ma tơ̆ hop akŏm, Thủ tướng athei, tơ̆ hơnăp kơnh akŏm tŭn hrĕnh tơdrong jang, hơtŏk ‘lơ̆ng tơdrong jang pơjing păng jang pơkeh trong jang tơgŭm lơ̆m tơdrong jang Nội vụ; tơplih ‘nao păng jang pơkeh trong jang vei lăng kang ƀô̆, bơngai jang kơ teh đak kiơ̆ trong dang ăi, drơ̆ng1 nơ̆r; Kŭm hăm ‘noh Thủ tướng athei, hơnơ̆ng jang pơkeh khŭl jang hành chính teh đak tŏ sĕt bơngai, bơ̆jang đei yua, ‘lơ̆ng; tơlĕch jang đei yua tơdrong jang akŏm hơmet ming hành chính truh sơnăm 2030.