Tơ̆ jơ tơƀâp, Thủ tướng Phạm Minh Chính pơma hơdăh Việt Nam năng kăl tơdrong pơm hơtŏk tơdrong pơvei păng jang hơdoi hăm dôm tĕh đak châu Phi, lơ̆m nŏh đei Burundi. Thủ tướng hơiă păng bơnê kơ Khul kơdră tĕh đak Burundi tơgŭm ăn tơdrong jang viễn thông đơ̆ng anih jang kơ Việt Nam tơ̆ Burundi, tơgop ăn tơdrong jang atŏk tơiung mŭk drăm, tơpôl tơ̆ âu.

Thủ tướng athei Burundi pơjing tơdrong ‘lơ̆ng ăn dôm anih jang đơ̆ng Việt Nam truh jang xa tơ̆ Burundi. Atŭm hăm ‘nŏh, Thủ tướng athei 2 păh hơtŏk tơdrong pơma nuh găh tĕch mơdro, jang hơdoi găh choh jang xa. 2 păh drơ̆ng nơ̆r hơnơ̆ng hơtŏk tơdrong jang hơdoi păng tơgŭm băl tơ̆ dôm hop akŏm lơpang kŭm nhen hơtŏk tơdrong pơm gơng tơƀưh đơ̆ng 2 tĕh đak hăm ASEAN, Jơnŭm châu Phi (AU) păng đơ̆ng ASEAN păng AU.