Pơma tơ̆ hop akŏm, Thủ tướng ăn tơbăt, tơdrong pơvei, jang hơdoi ‘lơ̆ng hơiă Việt Nam păng Bỉ oei tŏk pran ‘lơ̆ng păng hơnơ̆ng đei hơmet kơjăp păng tưk tơiung lơ̆m rim tơdrong đơ̆ng chinh trĭ, mŭk drăm truh jŏ ayŏ kơdŏ xoang, pơtho pơhrăm… Hrei ‘nâu, Bỉ đei jên tơmât jang tơ̆ Việt Nam tŏk vă jê̆ truh 1,1 ti USD; jên tĕch mơdro đơ̆ng 2 păh Việt Nam-Bỉ sơnăm 2022 pơ hlom iŏk đei vă jê̆ 5 ti USD.

Thủ tướng hơpơi ‘mĕh dôm anih tĕch mơdro Bỉ păng châu Âu hơnơ̆ng pơm tơlĕch lơ tơmam, pơjing lơ anih tĕch mơdro păng trong pơtruh tơmam... vă hơtŏk tơdrong jang xa, tĕch mơdro đei yoa kơjăp ‘lơ̆ng tơ̆ Việt Nam; athei dôm anih tĕch mơdro Bỉ păng châu Âu hơnơ̆ng tơ mât jên jang păng krao hơvơn dơ̆ng lơ anih tĕch mơdro đơ̆ng boăl tơmât jên jang xa tơ̆ Việt Nam.