Tơ̆ hop akŏm, Tang măt ăn Khul kơdră tĕh đak, Thủ tướng Phạm Minh Chính pôk pơ ư, hơ iă hăm khul linh tang găn tơdrong yoch găh ma túy hlôi tang găn, phă đei 3 tơdrong yoch 322D, 822T, 922T păng dôm tơdrong jơ nei gĭt kăl nai lơ̆m khei ‘năr âu ki; tơgop vei lăng ‘lơ̆ng tơdrong sơđơ̆ng lơ̆m tơpôl, pơyoa ăn tơdrong jang atŏk tơ iung mŭk drăm, jŏh ayŏ kơ dŏ xoang, tơpôl.

Tơ̆ hơnăp kơnh, Thủ tướng athei, băt hơdăh rim tơdrong vă hơnơ̆ng jang ‘lơ̆ng tơdrong roi tơƀôh tơgŭm ăn anih jang đảng, khul kơdră tơ ring hơtŏk tơdrong chĕp kơ̆l pơgơ̆r bơ̆ jang đei yoa ‘lơ̆ng dôm nơ̆r pơtho, tơdrong tơchơ̆t đơ̆ng Đảng, Kuô̆k hô̆i, Khul kơdră tĕh đak; khôi luơ̆t, trong jang đunh đai, tơdrong jang tang găn ma túy; akŏm đei jơhngâm pran đơ̆ng rim anih jang chinh trĭ păng đĭ đăng kon pơlei vang tang găn ma túy.