Pơ ma tơ̆ hop akŏm, Thủ tướng Phạm Minh Chính roi tơbăt găh ‘măng pơma đam tơpăt, rơhau păng đei iŏk yua hăm Thủ tướng teh đak Hà Lan Mark Rutte. Thủ tướng pơma hơdăh, Hà Lan jĭ teh đak đei lơ tơdrong hlôh vao tơmơ̆t jên jang tơ̆ Việt Nam. Hà Lan jĭ teh đak tơmơ̆t jên jang tih hloh lơ̆m kơsô̆ dôm teh đak EU tơmơ̆t jên jang lơ̆m Việt Nam, kŭm jing teh đak mơdro sa tih hloh mă 2 kơ Việt Nam tơ̆ châu Âu.

Tơ̆ hơnăp kơnh, hăm dôm tơdrong hơdrin đơ̆ng 2 păh păng kăl loi ‘noh jĭ tơdrong tơbôl kơjăp đơ̆ng kon pơlei 2 teh đak, Thủ tướng lui ngeh akhan, jang hơdai tơmơ̆t jên jang - mơdro sa gô hơnơ̆ng jing tơdrong gĭt kăl lơ̆m pơvei đơ̆ng Việt Nam – Hà Lan, hơdai hăm jing tơdrong ‘lơ̆ng vă hơnhăk tơdrong pơvei jang hơdai đơ̆ng 2 teh đak tŏk ‘lơ̆ng ‘nao.