VOV4.Bahnar - Pơ gê 28/4, Thủ tướng Phạm Minh Chính vang truh Hop akŏm tơ lĕch trong tơ mât jên jang tơ̆ dêh char Sóc Trăng sơ năm 2022 hăm hơ năn “Yak hơ doi- jang xa-atŏk tơ iung”. Tơ̆ hop akŏm Kơ dră chĕp kơ̆l dôm anih tơm, anih jang kơ pal iung pơ ma pơm hơ dăh tơ drong ‘lơ̆ng vă jang tŏk tơ̆ dêh char Sóc Trăng păng tơ ring tĕh tơ măn đak krong Cửu Long pơ ma atŭm.

Thủ tướng Phạm Minh Chính vang Hop akŏm tơ lĕch trong tơ mât jên jang tơ̆ dêh char Sóc Trăng

Pơ ma lơ̆m hop akŏm, Thủ tướng Phạm Minh Chính roi tơ băt 13 tơ drong vă pơ jing păng hơ tŏk anih tơ mât jên, jang xa tĕch mơ dro vă năm truh dôm chư: “Rơ đăh rơ đong, hơ tŏ ‘lơ̆ng, sơ đơ̆ng, đei yoa, kơ jăp đunh”. Tơ̆ hop akŏm, dêh char Sóc Trăng pơ jao tơ drong tơ chơ̆t asong tơ mât jên jang, hla ar chih măt tơ mât jên jang ăn 4 tơ drong jang hăm kơ sô̆ jên hlŏh 12 rơ bâu ti păng kĭ hla ar pơ kăp tơ chĕng hơ len tơ drong tơ mât jên jang hăm dôm anih jang, akŏm đĭ đăng jên vă tơ mât jang hlŏh 200 rơ bâu ti.

Dơ̆ng: Tơ blơ̆