VOV4. Bahnar - Pơgê năr 12/1, Thủ tướng Tĕh đak Phạm Minh Chính hlôi vang năm păng pơrô̆ tơ̆ Hop akŏm pơtôch tơdrong jang sơnăm 2021 păng tơlĕch tơdrong jang sơnăm 2022 kơ Hơnĭh jang Nô̆i vŭ, kơ yuơ Dơnŏ anĭh tơm Nôi vŭ pơgơ̆r kiơ̆ trư̆k tuyên hăm 63 dêh char, pơlei tơm.

Iung pơma tơ̆ hop akŏm, Thủ tướng Tĕh đak Phạm Minh Chính hôn bơnê dôm tơdrong jơnei mă Hơnĭh jang Nô̆i vŭ hlôi iŏk đei lơ̆m sơnăm 2021, tơgop gĭt kăl lơ̆m atŏk tơ iung atŭm lơ̆m tĕh đak. ‘Ngoăih kơ ‘nŏh, Thủ tướng jei pơma tơƀô̆h hơdăh dôm tơdrong jang tim gan ‘lơ̆ng kơ hơnĭh jang Nô̆i vŭ nhen bơ̆ jang pơjing tơdrong tơchơ̆t, trong iung jang tim mă ƀlep hăm trong tơlĕch ăn. Lơ̆m khei năr kơnh Thủ tướng athei, Tơplĭh ‘nao păng pơm pơkeh trong bơ̆ jang vei lăng kang ƀô̆, bơngai jang sơđơ̆ng hrơ̆p mĭnh ‘măng, lei lăi dĭh băl lơ̆m khŭl jang chĭnh trĭ păng tơ iung pơjing trong jang tơgoăt kang ƀô̆ tơring hăm khŭl kơdră dêh char. Pơchŏh trong ăn vă hơmet pơ ‘lơ̆ng kon bơngai, pơ prŏ ăn khŭl jang hơbĕch hơbal, trŏ lăp hăm tơdrong hle hrei au.

Tơblơ̆ nơ̆r: Amazưt