VOV4.Bahnar - Pơ gê 17/3, Thủ tướng Phạm Minh Chính truh Hop akŏm găh Chih jô̆ lơ̆m tĕh đak sơ năm 2022 hăm hơ năn "Hơ tŏk ki luơ̆t, tơ păt ‘lơ̆ng; hơ tŏk tơ drong pran, đei yoa". Hop akŏm đei pơih pơ dăh hăm 63 dêh char, plt lơ̆m tĕh đak.

Đơ̆ng rŏng kơ mơ̆ng dôm nơ̆r tơ gop, pơ ma lơ̆m hop akŏm, Thủ tướng Phạm Minh Chính akhan, tơ drong chih jô̆ tôch gĭt kăl mă loi vă hơ len năng, tơ lĕch dôm trong jang tơ gŭm. Hơ len năng, tơ lĕch dôm trong tơ gŭm athei lăng kiơ̆ dôm tơ drong đei tơ̆ yăn âu mă lăp, trŏ ƀlep, tơ tom vang tơ gŭm tơ blang hơ dăh, hơ len năng trŏ rim tơ drong păng tơ lĕch dôm trong jang tơ gŭm lăp ‘lơ̆ng, đei yoa. Dôm tơ drong kăl ‘nâu đei đơ̆ng tơ drong jang chih jô̆ yoa thoi nŏh Đảng, tĕh đak hơ nơ̆ng tơ rĕk păng tơ chĕng ‘lơ̆ng tơ drong jang chih jô̆ lơ̆m tơ drong jang atŏk tơ iung mŭk drăm, tơ pôl.

Dơ̆ng: Tơ blơ̆