Sơnăm 2024, tơƀôh tơdrong tơplih pran kơtang găh kơmăy kơmŏk joh ayŏ đơ̆ng tơdrong jang tơgŭm truh yan âu. Kơmăy kơmŏk joh ayŏ tŏk bŏk jing trong jang păng đei băt hơdăh ‘noh jĭ tơdrong gĭt kăl, tơgop lơ̆m tơdrong jang tŏk kơ teh đak. Tơplŏng kơdâu Việt Nam hlôi iŏk đei hloh 1.200 mê đai apŭng plĕnh teh.

Anih jang tơmang lăng sơng hloh 17,5 triệu ‘nu tơmoi apŭng plĕnh teh, hăm akŏp iŏk đei dang 840.000 ti hlak jên. Pơma pơgơ̆r hop akŏm, Thủ tướng Phạm Minh Chính pơma hơdăh kăl athei jang hơdai ‘lơ̆ng tơdrong joh ayŏ ‘lơ̆ng hơiă hơdrĕch hơdrŭng đơ̆ng teh đak bơ̆n lĕch hăm bôl buăl apŭng plĕnh teh ‘moi kiơ̆ dôm tơdrong jang joh ayŏ, tơplŏng kơdâu păng tơmang lăng. Mơ̆t hơdai đơ̆ng apŭng plĕnh teh păng Việt Nam ‘noh jĭ 2 rơdrong tôch kơ gĭt kăl, tơdrong jang joh ayŏ, tơplŏng kơdâu, tơmang lăng kăl kơ jang păng jing khŭl jang tơm lơ̆m tơdrong jang ‘nâu.