VOV4.Bahnar - Pơ gê (8/3) Khul tang măt găh tĕch mơ dro păng jang kơ măy Việt Nam, Khul tĕch mơ dro kơ Mi tơ̆ Hà Nội păng Anih vei lăng tĕch mơ dro kơ Mi tơ̆ Washington vang pơ gơ̆r hop akŏm tih Tĕch mơ dro Việt Nam – Mi sơ năm 2022 tơ̆ Hà Nội kiơ̆ trong pơ gơ̆r kơ tă păng trư̆k tuyê̆n. Thủ Tướng Phạm Minh Chính vang truh păng đei ƀai iung pơ ma nơ̆r pơ tho lơ̆m hop akŏm.

Jơ bơ̆ jang lơ̆m hop akŏm

Pơ ma tơ̆ hop akŏm, Thủ tướng Phạm Minh Chính pơ ma hơ dăh, trong jang ưh đei tơ plih đơ̆ng Việt Nam ‘nŏh ling lang năng Mi jĭ 1 lơ̆m dôm tĕh đak jang hơ doi gĭt kăl tơm. Thủ tướng pơ ma, Khul kơ dră tĕh đak Việt Nam pơ kăp vă pơ jing tơ drong ‘lơ̆ng ăn dôm anih tĕch mơ dro Mi tơ mât jên jang xa, tĕch mơ dro đei yoa tơ̆ Việt Nam, mă loi jĭ găh dôm tơ drong tĕh đak Mi jang pran păng Việt Nam oei ‘mĕh jang tŏk nhen: unh hơ yuh rơ gŏh, kơ jăp đunh, anih jang, trong nơ năm, jên hu, pơ tho pơ hrăm, chă tơ mang lăng, jang kơ măy ‘nao, choh jang xa hăm kơ măy kơ mŏk...

Dơ̆ng: Tơ blơ̆